अन्ततः धेरै प्रशंसको मन तोड्दै रिमाले रोबर्टसँग लगनगाँठो कसेकी छिन् । आइतबार बिहान हिन्दू विवाह विधि अनुसार रोबर्टले रिमालाई सिन्दूर हाल्दै सदाका लागि आफ्नो बनाए ।
केही दिन अघिको फिल्मीखबरसँगको कुराकानीमा दुवैले एक अर्काको पेशा भन्दा पनि मन हेरेर विवाह गर्ने निर्णय गरेको बताएका थिए ।
धरान स्थायी घर भएका रोबर्ट हाल बेलायतमा बसोबास गर्दै आएका छन् भने रिमाले आधा दर्जन नेपाली फिल्म र सयौं म्युजिक भिडियोमा अभिनय गरेकी छिन् । रिमा अभिनित ‘भाले फाइट’ गत शुक्रबार मात्र रिलिज भएको छ ।रिमा र रोबर्टको वैवाहिक कार्यक्रम बौद्ध टुसाल स्थित होटल हायातमा सम्पन्न भएको थियो ।
वैवाहिक कार्यक्रममा रिमाका अभिन्न साथी मानिने, नन्दिता केसी केकी अधिकारी र बेनिशा हमाल उपस्थित थिए । रिमाले फिल्मक्षेत्र तथा आफन्तका लागि हायातमानै बेलुकी रिसेप्सन पार्टीको आयोजना गरेकी छिन् ।डेढवर्ष अघि फेसबुकमा भएको चिनजान मायामा परिणत हुँदै विवाह सम्म पुगेको हो । रिमाका भाइ प्रभातले रिमाको कन्यादान दिएका थिए ।
