हलिउडमा नाम कमाउदै गरेका नेपाली कलाकार जसवन्त देव श्रेष्ठले 'एकोलेड ग्लोबल फिल्म कम्पिटिसन'मा ‘बेष्ट लिडिङ एक्टर’को अवार्ड जितेका छन् ।
लस एन्जलसमा भएको उक्त अवार्ड समारोहमा जसवन्तले ‘द ट्रिजन’का लागि ‘बेष्ट लिडिङ एक्टर’ सहित लेखनमा समेत अवार्ड जिते । यो अवार्डसँगै जसवन्त ओस्कार विजेता ‘द लेडी इन नम्बर सिक्स’ म्याकलम क्लार्कसहितका हाइ प्रोफाइलका विजेताहरुको सूचीमा परेका छन् ।
जसवन्त आफैले निर्माण गरेको 'द ट्रिजन’ हलिउड फिल्म हो जसमा उनको मुख्य भूमिका छ । उनी अर्को हलिउड फिल्म 'हाइवे टु धम्पुस'का समेत निर्माता हुन् ।
