सलमान खान र सोनम कपुर एउटै ओछ्यानमा भेटिएका छन् । सोनम स्वयंले फोटो सार्वजनिक गर्दै सलमान र आफूसँगै सुतेको बताएकी हुन् । गलत अर्थ नलगाउनु होला उनीहरु एउटै ओछ्यानमा भेटिएका त हुन् तर तपाईंहरुले कल्पना गरेजस्तो अवस्थामा होइन । फिल्म सुटिङका लागि दुवैलाई एउटै ओछ्यानमा भेटिएको हो ।
सलमान र सोनम हाल ‘प्रेमरतन धन पायो’को सुटिङ गरिरहेका छन् र सोनमले पनि सोही फिल्मको सुटिङको तस्विर इन्ट्राग्राममा सेयर गरेकी हुन् । तस्विरमा सोनमलाई सिरानी च्यापेर हाइगरिरहेको देखिन्छ भने छेऊमा सलमान छन् ।
तिहारका रिलिज हुने फिल्मको हाल अन्तिम सेड्युलको सुटिङ चलिरहेको छ । फिल्मलाई सुरज बडजात्याले निर्देशन गरिरहेका छन् जसले सात वर्ष अघि ‘विवाह’ निर्देशन गरेका थिए । ‘हम साथ साथ है’ पछि सुरज र सलमान खानले यही फिल्ममा काम गरिरहेका छन् । फिल्मभित्र सलमान युवराजको भूमिकामा रहेको जनाईएको छ ।
