हरिवंश आचार्यले गाएको नयाँ गीत सार्वजनिक गरिएको छ । 'चुच्चे हिमालमा' बोलको सार्वजनिक गीतमा उनकै शब्द तथा संगीत छ ।
गीतमा राष्ट्रप्रेमसँगै प्रेमी प्रेमिकाको स्वच्छ मायालाई पनि बोलिएको छ । सार्वजनिक यस गीतका शब्दहरूले नेपाली मनको मिठो माया अनि चुच्चा हिमालझै अटल र निश्चछल स्वभावलाई शब्दभावहरुमा ब्यक्त गरेको हरिवंश बताउँछन् ।
यस गीतको म्युजिक भिडियोलाई प्रदिप भट्टराईले निर्देशन गरेका हुन् भने संगीत संयोजन जीवित जल्मीले गरेका हुन् । गौरी शंकर धुजुँको छायांकन रहेको यस भिडियोलाई गणेश कँडेलले सम्पादन गरेका हुन् ।
