फिल्म ‘च्याम्पिएन’का निर्माता कृष्ण पोख्रेलले फिल्मका लागि अभिनेत्री भेटेका छन् । कृष्णले फिल्म ‘च्याम्पिएन’का लागि मञ्जिता केसीलाई अभिनेत्री बनाएका हुन् । निर्माताकै सिफारिशमा मञ्जिता फिल्मकी अभिनेत्री भएकी हुन् ।
वीपी फुयाँलको निर्देशनमा तयार भइरहेको यो फिल्ममा दिकपाल कार्कीसँग मञ्जिताले जोडी बाँधेकी हुन् । फिल्ममा जगत टमाटा, साहिल खान लगायतका कलाकार पनि देखिनेछन् ।
फिल्मका गीतमा कविराज गहतराजको नृत्य निर्देशन, पवन गौतमको छायांकन, टंक बुढाथोकीको संगीत छ ।
फिल्म च्याम्पिएनका क्रिकेटको कथालाई रोचक तबरले उठान गरेको निर्देशक वीवीले बताएका छन् । उनले यसपटक गीतका लागि पनि मिहिनेत गरिएको जानकारी दिए ।
फिल्मका लागि सुरुवातमा निखिल उप्रेती, आर्यन सिग्देल लगायतका कलाकारसँग कुरा गरिएको थियो । अभिनेत्रीका लागि नम्रता सापकोटा, सम्पदा बाँनियाको नाम अगाडि आएपनि निर्माताका कारण मञ्जिता नै पक्का भएकी थिइन् ।
