आज भन्दा २५ बर्ष अगाडि प्रदर्शनमा आएको फिल्म ‘आशिकी’को एउटा गीत खुबै हिट भएको थियो । उसबेला सर्वाधिक हिट मानिएको ‘आशिकी’ फिल्मका धेरै गीत मध्ये ‘धिरे धिरे से मेरे जिन्दगीमे आना’ एएटा थियो जुन अहिले पनि चर्चामा छ ।
यो गीतलाई दर्शक तथा श्रोताले नभुलुन भन्नका लागि यसको रिमेक तयार भएको छ । यो गीतको रिमेक भिडियोमा बलिउडका ह्यान्डसम अभिनेता ऋतिक रोशन र सुन्दर अभिनेत्री सोनम कपुर देखिएका छन् ।भिडियोलाई आकर्षक बनाउन ऋतिक र सोनमलाई फरक शैलीमा देखाइएको छ । यो गीत तयार भएसँगै अब अघिल्लो भन्दा यसमा के फरक होला भन्ने चर्चा पनि उठ्न थालेको छ ।
भिडियोमा ऋतिक र सोनमको जोडी जमेको देखेर टिसिरिज मालिक भूषण कुमारले ऋतिक र सोनमलाई लिएर फिल्म बनाउने कुरा पनि अगाडि सारेका छन् जसमा ऋतिक र सोनम दुवै सकारात्मक रहेको स्रोतको दाबी छ ।
