पर्दामा फेरि एकसाथ देखिन लागेका अभिनेता सैफअली खान र अभिनेत्री कट्रिना कैफको फिल्म रोकिएको छ । यो फिल्म रोकिनुको मुख्य कारण ‘दृष्यम’को प्रदर्शनलाई मानिएको छ । सैफ र कट्रिनाको यो फिल्म र अजय देवगणले भर्खरै काम गरेको फिल्मको कथा उस्तै भएकाले रोकिएको स्रोतको दाबी छ ।
फिल्म सुजय घोषको निर्देशनमा बनिरहेको थियो । हलिउड फिल्म ‘द डिवोशन अफ सस्पेक्ट’ बाट यसको कथा तानिएको थियो ।सुरुमा विद्या बालन, ज्याकलिन फर्नान्डेज हुँदै कंगना रनावतसम्मले यसमा काम गर्ने चर्चा थियो ।
यो फिल्मको घोषणा कान्स फिल्म फेस्टिबलमा गरिएको थियो । फिल्म ‘दृष्यम’को कहानीसँग मिलेपछि निर्माताले फिल्म रोकेका हुन् ।अब यो फिल्म अब बन्छ या बन्दैन पक्का छैन । अभिनेता सैफअली खानले फिल्म ‘दृष्यम’ भन्दा पहिले नै बन्नु पर्ने बताएका छन् । उनले फिल्म रोकिएको बिषयमा आफूलाई थाहा नभएको बताए ।