बलिउड अभिनेत्री प्रिती जिन्टाले आफूलाई साहरुखले धेरै रुवाएको खुलाएकी छिन् । ट्विटरमा फ्यानहरुसँग कुरा गर्दै उनले आफूलाई साहरुखसँग काम गर्दा धेरै रुन आउने बताइन् । इमोशनल दृश्यमा आफू धेरै रोएको भन्दै साहरुखले मात्र आफूलाई रुवाउन सक्ने उनले बताएकी थिइन् ।
प्रितीले साहरुख खानसँग फिल्ममा अभिनय गर्दा आफूलाई इमोशनल सिनमा रुन आइहाल्ने बताइन् । उनले अर्का अभिनेता सलमान खानसँग भने आफूलाई सुरुमा काम गर्न डर लागेको लेखेकी छिन् । सलमानसँग यस्तो डर किन लाग्यो भनेर आफूलाई पनि थाहा नभएको प्रितीको भनाई छ ।
प्रितीको अनुसार उनलाई सुरुवातमा सलमानसँग काम गर्दा खुबै डर लाग्थ्यो । तर, अहिले प्रितीको सवैभन्दा मिल्ने साथी नै सलमान बनेका छन् । प्रिती र अभिनेत्री रानी मुखर्जी बलिउडमा नजिक मानिन्छन् । फिल्म चोरी चोरीमा आफूलाई रानीले हानेको थप्पड सधै यादगर रहेको प्रितीले लेखेकी छिन् ।