बलिउड नायक सन्जय दत्त फेरि एकपटक जेलबाट बाहिर आउने भएका छन् । उनलाई ३० दिनका लागि प्यारोल दिइएको छ । उनले आफ्ना छोरा इकराको स्वास्थ्य खरावीका कारण प्यारोल मागेका थिए । जुनमा उनले मागेको प्यारोलको माग पूरा भएको हो । २ दिन अगाडि पुणेका डिभिजन कमिश्नरले संजयलाई जेलबाट बाहिर निस्कने अनुमति दिएका थिए ।
उनी केही दिनमै जेलबाट बाहिर आउनेछन् । ५६ सालका संजयलाई यस अगाडि पनि यसरी प्यारोल दिइएको छ । संजयलाई प्यारोल दिदा विरोध पनि हुदै आएको छ । सन् १९९३ मा भएको सिरियल बम ब्लास्टमा गैरकानुनी रुपमा हतियार राखेको आरोपमा उनलाई ५ बर्षको जेल सजाय सुनाइएको थियो । १८ महिना पहिले नै जेल सजाय भोगेका संजयले ४२ महिना मात्र जेल जिवन बिताउनु पर्ने थियो । उनी यो बर्षको अन्तिम सम्म जेलबाट बाहिर निस्कने अड्कल काटिएको छ ।