निर्देशक हेमराज वीसीका मनपर्ने अभिनेता हुन् अनमोल केसी । ‘होस्टेल’ र ‘जेरी’मा हेमराज र अनमोलले एकसाथ काम गरे । यसपछि यी दुइले ग्याङस्टारको बिषयमा बन्न लागेको एक फिल्ममा काम गर्ने चर्चा थियो । तर, अहिले यो फिल्मको चर्चा सेलाएको छ । अब भने अनमोलले हेमराजकै निर्देशनमा बन्न लागेको नयाँ फिल्म ‘गाजलु’मा काम गर्ने भएका छन् । फिल्मका लागि अनमोल पक्का भएपनि अभिनेत्रीको खोजी धमाधम भैरहेको छ ।
फिल्मको बिषयवस्तुको बारेमा भने केही पनि खुलाइएको छैन । अभिनेता भूवन केसीले अनमोललाई लिएर‘ड्रिम्स’ बनाएपछि हेमराजको ‘ग्याङस्टार ब्लुज’ पछि सरेको थियो । अन्तमा ‘ग्याङस्टार ब्लुज’ लाई थाँती राख्दै हेमराज नयाँ नाममा फिल्म बनाउन लागेका हुन् । अनमोलविना हेमराजले निर्देशन गरेको फिल्म ‘सम्बोधन’ असफल भएको थियो ।
