अमेरिकाको क्यालिफोर्नियास्थित सानफ्रान्सिस्कोमा हुन गईरहेको 'ग्लोबल फिल्म फेस्टिभल'मा सहभागी हुन अभिनेत्री केकी अधिकारी आज बुधवार नेपालबाट सानफ्रान्सिस्को आईपुगेकी छिन् । उनको साथमा फिल्मकर्मी सुरेश दर्पण पोखरेल पनि आईपुगेका छन् ।
केकी र सुरेशलाई फेस्टिबलमा ग्लोबल लिडर प्रकाश थापाले स्वागत गरे । केकी र सुरेशले यहि अगस्ट ७ देखि १६ तारिखसम्म हुन लागेको फेस्टिभलमा नेपाली फिल्म क्षेत्रको प्रतिनिधित्व गर्नेछन् । यस्तै अभिनेता सुनिल थापा, अभिनेत्री नन्दिता केसीले पनि उक्त फेस्टिभलमा सहभागी जनाउने छन् ।
नन्दिता केहि साता अगाडी नै अमेरिका आईसकेकी छिन् भने सुनिल थापा केहि दिनमा आईपुग्ने फेस्टिभल लिडर थापाले जानकारी दिए । उनका अनुसार उक्त फेस्टिभलमा दिलिप रायमाझी, निरज बराल, राजबल्लभ कोईराला, शुशांक मैनाली लगायतका सेलिब्रेटीको पनि उपस्थिती भने 'टाटा बाई बाई', 'तुलसी', 'सेक्रिफाईज नेभर डाईज', 'साँघुरो', 'सेलफोन'ले नेपाली फिल्मको प्रतिनिधित्व गर्नेछन् ।
अभिनेत्री केकी र नन्दिताले फेस्टिभलमा बिशेष प्रस्तुती दिने प्रकाशको भनाई छ । उनका अनुसार फेस्टिभलमा हलिउड र बलिउडका चर्चित सेलिब्रेटीको सहभागिता रहनेछ । हलिउड र बलिउडका चर्चित सेलिब्रेटीमाझ नेपाल र नेपाली कलासंस्क्रिती झल्काउने गीतमा आफूहरूको प्रस्तुती रहने केकीले जानकारी गराईन् ।
