‘बजरंगी भाईजान’ बलिउडमा नयाँ स्टार जन्माएको छ । ति स्टार अरु कोही नभएर फिल्म भित्र मुन्नीको अभिनय गर्ने हर्षाली मल्होत्रा हुन् । बोल्न नसक्ने बच्चीको रुपमा अभिनय गरेकी हर्षालीले फिल्म भित्र रहेका स्टार कलाकारहरु सलमान खान, नवाजुद्धिन सिद्धिकी र करिना कपुरलाई पनि अभिनयमा पछि पार्दै वाहवाही बटुलिरहेकी छिन् ।
दर्शकसँगै सलमान खानपनि हर्षालीको अभिनयबाट यत्ति प्रभावित छन् कि उनले हर्षाली पढाई खर्चनै बेहोर्ने घोषणा गरेका छन् । पिंकभिल्ला नामको वेभसाइटका अनुसार सलमानले फिल्मको नाफाबाट आएको एक करोड रुपैंया हर्षालीको पढाई खर्चका लागि प्रदान गरिसकेका छन् । हर्षाली हाल मुम्बईको सेभेन स्क्वाएर एकेडेमीमा पढिरहेकी छिन् ।
हर्षालीले यसअघि ‘प्रेम रतन धन पायो’ र ‘फितुर’ लागि गरिएको अभिनयको प्रस्ताव नकारेकी थिइन् । हर्षालीले ‘ बजरंगी भाईजान’मा अभिनय गर्नुअघि ‘कबुल है’ र ‘लौट आओ तृष्णा’ शीर्षकका टेलिफिल्ममा अभिनय गरेकी थिइन् । हर्षाली अहिले जम्मा ७ वर्षकी छिन् ।
