बलिउड अभिनेताद्धय साहरुख खान र अजय देवगणको सम्बन्ध खासै राम्रो थिएन । साहरुखसँग अजयकी पत्नी काजोल सर्वाधिक चर्चित पर्दाकी जोडी मानिन्छिन् । यही कारणले गर्दा पनि साहरुख र अजयको सम्बन्धमा दरार आएको चर्चा गरिन्छ ।
तर, वुल्गेरियामा एक साथ रेष्टुरेन्टमा देखिएपछि साहरुख र अजयको दुश्मनी टुङ्गिएको चर्चा गरिएको थियो । अब, अजयले साहरुखको फिल्ममा केमियो भूमिका गर्ने भएका छन् ।
रोहित सेट्टीको निर्देशनमा बनिरहेको फिल्म दिलवालेमा साहरुख र काजोलको साथमा वरुण धवन र कृति सेननको मुख्य भूमिका छ । यो फिल्ममा अजयले पनि केमियो भूमिका निर्वाह गर्न लागेका हुन् ।
साहरुखसँग अजयले पहिलो पटक पर्दा सेयर गर्न लागेका हुन् । अजय रोहित सेट्टीका पनि नजिकका साथी मानिन्छन् । रोहितले निर्देशन गरेका फिल्ममा धेरै काम गरेका अजयलाई साहरुखसँग उनै रोहितले मिलाएका थिए । साहरुख र अजय एउटै फिल्ममा देखिने भएपछि यो फिल्मको चर्चा झनै चुलिएको छ । यो फिल्म डिसेम्बर १८ मा प्रदर्शनमा आउँदैछ ।
