फिल्म फन्कोले आफ्नो प्रदर्शन मिति तय गरेको छ । सुवर्ण थापाले निर्देशन गरेको यो फिल्म माघ १ गतेबाट प्रदर्शनमा आउने वितरक एफडी कम्पनीका प्रमुख प्रदिप उदयले बताए ।
फिल्म फन्कोलाई नरेन्द्र महर्जनले निर्माण गरेका हुन् ।
फन्कोले ४ जना पात्र र उनीहरुको चोरीको कथालाई उठाएको छ । निर्देशक सुवर्ण थापाले यसपटक आफूले फिल्मलाई व्यवसायिक बनाएको बताएका छन् । फिल्ममा अभिनेताद्धय दयाहाङ राई र सौगात मल्लको साथमा अभिनेत्रीद्धय प्रियंका कार्की र केकी अधिकारीले अभिनय गरेका छन् ।
गायिका इन्दिरा जोशीले फिल्ममा एक आइटम नृत्य पनि गरेकी छिन् । माघे संक्रान्तीको समयमा नेपाली फिल्महरु प्रदर्शनका लागि तछाडमछाड गरेको पाइन्छ । तर, अहिलेसम्म यो मितिमा फन्को मात्र आउने भएको छ ।
