फिल्म ‘बागमती’को भिडियो लिक भएको छ । महंगो बजेटमा भारतमा पोष्ट प्रोडक्शनको काम भैरहदा यसका छायांकार शिजु गुरुवयुरले २ मिनेट लामो भिडियो फेसबुकमार्फत चुहाइदिएका हुन् । भिडियो सार्वजनिकसँगै यो फिल्मका मुख्य कलाकार राजेश हमाल, शिव श्रेष्ठ र केकी अधिकारीको लुक्स पनि बाहिरिएको छ ।
छायांकारले आफ्नो काम देखाउने लोभमा केही भिडियो पोष्ट प्रोडक्शनबाट नै चोरी गरेर लिक गरिदिएका हुन् । फिल्मलाई २ करोड मुल्यमा निर्माण गरिएको दाबी यसका निर्माताले गरिरहेका छन् । कार्यकारी निर्माता अनिश नापितका अनुसार छायांकारले भिडियो लिक गरिदिएपछि उनी सम्पर्क भन्दा बाहिर रहेका छन् । फिल्ममा दिनेश दर्शनधारी र विजय सत्यालको लगानी छ । पोष्ट प्रोडक्शनमा नै ५० लाख बढी खर्च भएको दाबी गर्ने यो फिल्ममा दक्षिण भारतीय फिल्मका कलाकार र प्राविधिकले काम गरेका छन् ।
