नायिका निशा अधिकारीले क्रिकेटर शरद भेषवाकर र आफ्नो प्रेम सम्बन्ध यथावत रहेको बताएकी छिन् । उनले एउटा साप्ताहिक पत्रिकामा आफूहरुको सम्बन्ध छुटेको समाचारमा प्रतिक्रिया जनाउँदै आफूहरु अझ पनि एउटै टिममा रहेको बताएकी छिन् । सो साप्ताहिक पत्रिकाले निशाको ‘प्रेममा शरद रनआउट’ शीर्षकमा समाचार छापेको थियो ।
सोही समाचार अनलाइनमा समेत आएपछि निशाले फेसबुकमा प्रतिक्रिया दिँदै आफूहरु हैन बरु समाचार संस्था चैं गलत न्युज छापेर रनआउट भएको प्रतिक्रिया दिएकी हुन् । उनले सो समाचारले अनलाइनको विश्वसनीयता नै घटाउने भन्दै आफूहरु अझ पनि एउटै टिममा रहेको दाबी गरेकी गरेकी छिन् ।
चुपचाप अमेरिका पुगेपछि केही अनलाइनले निशा र शरदको प्रेम टुटेको र सोही कारणले निशा नेपाल छाडेर अमेरिका लागेको आसयका समाचार प्रसारण गरेका थिए । समाचारमा शरद र निशाले ज्वाइन्ट फेसबुक एकाउन्ट खोलेको तर ब्रेक अप भएपछि एकाउन्ट डिएक्टिभ रहेको पनि उल्लेख गरिएको थियो ।राष्ट्रिय टोलीका सदस्य शरद भेषवाकर भने हाल भारतमा अभ्यास म्याच खेलिरहेका छन् ।
