अभिनेता रमेश उप्रेती अमेरिकाबाट नेपाल फर्किए । नेपाल फर्किएपछि विभिन्न सार्वजनिक कार्यक्रममा देखिने गरेका रमेश अहिले फिल्म खेल्न पनि थालिसकेका छन् । उनी अभिनेत्री गौरी मल्लसँगै नेपाल फर्किएका हुन् । उनी अहिले फिल्म ब्रासलेटमा व्यस्त छन् ।
अमेरिकाबाट सधैका लागि फर्किएको चर्चा भएपनि रमेश भने अहिले पनि दोधार नै छन् । उनले ब्रासलेटपछि अन्य केही फिल्ममा काम गर्ने पनि बताए । यी फिल्मको व्यापारले आफ्नो नेपाल बसाई निर्धारण गर्ने उनको भनाई छ । रमेशले यी फिल्म चलेको खण्डमा नेपाल बस्ने होइन भने अमेरिकामा नै फर्कने बताएका छन् ।
यसरी हेर्दा रमेश उप्रेतीका लागि फिल्म क्षेत्र परिक्षण केन्द्र बनेको छ । आफ्नो करिअर फेरि चम्किए बस्ने होइन भने अमेरिका फर्कने सोचाई उनले खुलाएका हुन् । नेपाली फिल्म क्षेत्रमा कुनै बेलाका चल्तीका अभिनेता रमेश अमेरिका गएपछि गुमनाम जस्तै भए । फेरि नेपाल आएपछि पनि उनको खासै चर्चा भएको छैन ।
