मलेसियामा भएको आइफा अवार्डमा फेरि एक पटक साहिद कपुर र कंगना रनावतले बाजी मारेका छन् । यसअघिका सबै अवार्डमा अभिनेता र अभिनेत्रीको अवार्ड जितेको जोडीले आइफामा पनि सोही क्रम दोहोर्याएको हो । साहिदले फिल्म ‘हैदर’का लागि उत्कृष्ट अभिनेताको अवार्ड जिते भने कंगनाले फिल्म ‘क्विन’ लागि उत्कृष्ट अभिनेत्रीको अवार्ड जितिन् । कंगनाको फिल्म उत्कृष्ट फिल्ममा पनि दरियो ।
तर उत्कृष्ट निर्देशकको अवार्ड भने ‘पिके’का लागि राजकुमारी हिरानीले जिते । ‘हिरोपन्ति’बाट उदाएका टाइगर श्राफ र कृति सेननले नव अभिनेता र अभिनेत्रीमा अवार्ड थापे । ‘एक भिलेन’मा किलर बनेका रितेश देशमुखले सहायक अभिनेताको अवार्ड जिते भने ‘मैं तेरा हिरो’बाट बरुण धवन कमेडियन घोषित भए । केके मेननले ‘हैदर’बाट भिलेनको अवार्ड जिते ।
दीपिका पादुकोणलाई ‘वुमन अफ दि इयर’बाट सम्मानित गरियो भने सुभाष घईलाई हिन्दी फिल्ममा गरेको योगदानका लागि सम्मान प्रदान गरियो ।
