भूकम्प पछि पीडितका लागि राहत तथा पुनस्र्थापनामा सघाउँदै आएको फिल्मकर्मीको अभियान ‘वि फर अल’ले १० जना भूकम्प पीडित प्राविधिकलाई नगद सहयोग गरेको छ । शुक्रबार बिकासबोर्डमा आयोजिक कार्यक्रममा प्राविधिकलाई दस हजारका दरले समूहले नगद प्रदान गरेको हो ।
प्राविधिक संघको रोहबरमा १० जना स्पट ब्वाईले सो सहयोग पाएका हुन् । सोही अवसरमा समूहले पत्रकार कुबेर गिरीलाई पनि नगद दस हजार सहयोग गरेको हो । भूकम्पका कारण मृत्य भएका प्राविधिक धनबहादुर श्रेष्ठको परिवारलाई पनि समूहले नगद १५ हजार सहयोग गरेको थियो ।
समूहले केही दिन अघि मृगौला रोगका कारण भक्तपुर अस्पतालमा उपचार गराईरहेका कलाकार प्रदिप सिंहलाई पनि नगद २५ हजार सहयोग गरेको अभियान संयोजक सुरेश दर्पण पोखरेलले जानकारी गराए ।पोखरेलले काभ्रे, नुवाकोट र काठमाडौंमा गरी करिब ७० घर निर्माण गरेको र आउँदो साताबाट हेल्प नेपाल नेटवर्कसँगको सहकार्यमा ५०० घर निर्माण थाल्ने जानकारी गराए ।
