बलिउडमा इमरान हाश्मीलाई सिरियल किसर भनिन्छ । उनका प्राय सबै फिल्ममा उनी कुनै न कुनै अभिनेत्रीसँग चुम्बनमा रमाएका हुन्छन् । यसैले पनि इमरान हाश्मीसँग अभिनेत्रीहरु रोमान्स गर्न रुचाउछन् भनिन्छ ।
तर, बलिउडकी हट गर्ल आलिया भट्टसँग भने उनले रोमान्स गर्न नसक्ने बताएका छन् । आलिया र इमरान नजिकका नातेदार हुन् । इमरानले भने‘म आफ्नी बहिनीसँग फिल्मको पर्दामा रोमान्स गर्न सक्दिन । उनको साथमा म दाजु भाइको भूमिकामा मात्र देखिन सक्छु ।’
फिल्म स्टूडेन्ट अफ द इयरको शोमा आफू नपुग्दा आलिया रिसाएको इमरानको भनाई छ । तर, पछि आफूले डीभीडी हेरेपछि आलियाको कामले खुशी भएको र उनलाई वधाई दिएको इमरानले बताए । उनले आलियाको टु स्टेट विमानमा उड्दा हेरेको बताए । आलियाले छोटो समयमा नै बलिउडमा एक स्थान बनाएको भन्दै दाजु इमरानले खुशी व्यक्त गरे ।
