बलिउडका चलकेटी अभिनेता साहिद कपुर दिल्लीकी मिरा राजपुतसँग बिहे बन्धनमा बाँधिदैछन् । साहिदले बलिउड भन्दा बाहिरकी यूवती रोजेपछि अहिले विभिन्न खालका अड्कल पनि काटिएको छ ।
प्रियंका चोपडादेखि करिना कपुरसम्मको प्रेममा परेका साहिदले बलिउड भन्दा बाहिरकी यूवती किन रोजे ? कतै उनलाई परिवारको दबाब त थिएन ? साहिदका पिता पंकज कपुरले मिरालाई रोजेको चर्चा पनि चलेको थियो । तर, साहिदकी आमा निजिमा अलिमले मिरा साहिदकै रोजाइ भएको बताएकी छिन् ।
उनले साहिदले मिरालाई मन पराएका र उनले नै बिहे गर्ने निर्णय गरेको खुलाएकी हुन् । निजिमाले यो एरेन्ज नभई लभ म्यारिज भएको भन्दै मिरा राम्री भएको बताइन् । साहिदले आफूले के गर्नुपर्छ र के गुर्नहुदैन भन्ने वुझेको उनको भनाई छ ।
