बलिउड अभिनेता ऋतिक रोशनलाई त डान्सका गुरु नै मानिन्छ । उनी नृत्यमा दख्खल भएका अभिनेता हुन् । तर, उनै ऋतिक अहिले अभिनेता बरुण धवन र अभिनेत्री श्रद्धा कपुरको प्रशंसा गरेर थाक्दैनन् । श्रद्धा र बरुण फिल्म ‘एवीसीडी २’ मा एकसाथ देखिदैछन् ।
यो फिल्ममा यी दुई कलाकारले गरेको नृत्यबाट ऋतिक कायल बनेका हुन् । उनले ट्विटरबाट आ आफ्नो प्रतिभालाई बाहिर निकाल्न आग्रह गर्दै बरुण र श्रद्धाको प्रशंसा गरेका हुन् । उनले यी दुई कलाकारको नृत्यबाट आफू अत्यन्त प्रभावित भएको पनि ट्विट गरेका छन् ।
ऋतिकको यो प्रशंसा पाएपछि दुई कलाकार पनि दंग छन् । जुन महिनाको दोश्रो साताबाट प्रदर्शनमा आउन लागेको यो फिल्मलाई रेमो डिसुजाले निर्देशन गरेका हुन् । फिल्ममा बरुण र श्रद्धाले धेरैलाई आश्चर्य चकित बनाउँदै गज्जबकै नृत्य गरेका छन् ।