बलिउडका राम्रा अभिनेताहरुले अभिनेत्री सन्नी लियोनीसँग फिल्म खेल्न रुचाउँदैनन् । यसैले पनि सन्नीलाई बलिउडमा टिक्नका लागि सफल मानिएका अभिनेताको साथ चाहिन्छ । तर, उनीहरुले सन्नीसँग फिल्म खेल्न चाहेका छैनन् । तर, तन्नु वेड्स मन्नु, थ्रि इडियट्स जस्ता फिल्मका अभिनेता आर माधवनले भने सन्नीसँग फिल्म खेल्ने चाहना राखेका छन् ।
तन्नु वेड्स मन्नु रिटन्र्सका अभिनेताले संवाददाताको प्रश्नमा सन्नी लियोनीसँग फिल्म खेल्न चाहेको बताए । बलिउडमा केही यस्ता असुहाउँदा जोडी देखिएका छन्, जसको फिल्मले बक्स अफिसमा राम्रो व्यापार गरेको छ ।
पीकुमा इरफान खान र दीपिका पादुकोण देखिए । यस्तै, हाइवेमा रणदिप हुड्डा र आलिया भट्ट, पुलिसगिरीमा प्राची देसाई र संजय दत्त, द डर्टी पिक्चर्समा विद्या बालन र इमरान हास्मीको जोडी देखियो । यसैले पनि माधवनले पनि सन्नीसँग फिल्म खेल्न चाहेको हुनसक्छ ।
