अभिनेत्री नीता ढुंगाना भक्तपुरको बोडेमा राखिएका भूकम्प पीडितसँग भलाकुसारी गर्न पुग्दा आफ्नै पीडाको कुरा सुनाइन् । उनीहरुसँग नीताले आफ्नो पनि अपार्टमेन्ट बस्न नहुने गरि भत्किएको र हेटौडाको घर पनि भूकम्पले भत्किएको बताइन् । भूकम्प पीडितसँग आफ्नै पीडाको कुरा गर्दै नीताले आफूले आफन्त पनि गुमाएको बताइन् ।
अभिनेत्री ढुंगानाका दिदीका छोराको भूकम्पका कारण निधन भएको थियो । अहिले आफू पाल मुनी बसिरहेको नीताको भनाई छ । नीताका अनुसार अपार्टमेन्टको बिमा गरिएकाले पनि उनको करिब ६५ लाखको लगानी डुब्ने छैन । तर, पनि बिमाको पैसा कहिले आउँछ पत्तो छैन । अपार्टमेन्ट र हेटौडाको घर भत्किएपछि आफू पालमा बसिरहेको उनले अस्थायी शिविरमा बसिरहेका भूकम्प पीडितलाई सुनाइन् ।नेपाली फिल्म क्षेत्रका थुप्रै फिल्मीकर्मीहरु भूकम्पका कारण पीडित बनेका छन् ।
