जब दुख पर्छ अनी आफ्ना संझेकाहरुको खोजी हुन्छ । अहिले नेपालमा यस्तै भएको छ । वैशाश १२ गते गएको भूकम्पपछि यतिबेला भूकम्प पीडितहरु आफ्नाको खोजी गरिरहेका छन् । दर्शकहरु आफूले रुचाएका कलाकारको खोजी गर्दैछन् ।
सायद यही भएर होला कलाकारहरु पनि अहिले भूकम्प पीडितकोमा पुगेर घाउमा मल्हम लगाउने र सकेको सहयोग गरिरेका छन् । कोही राहत वितरणमा सक्रिय छन् भने कोही निराश अनुहारमा खुशी खोजिरहेका छन् ।तर, नेपाली फिल्मका चल्तीका अभिनेता सौगात मल्ल भने गायब जस्तै छन् । उनलाई फिल्मीकर्मीले फिल्मको छायांकन भन्दा अन्य समयमा खासै देख्दैनन् । सौगात पनि सार्वजनिक दुनियाँमा रमाउन चाहदैनन् ।
तर, देशमा विपत्ती आएको समयमा एउटा कलाकारको भूमिका अहंम हुन्छ । तर, पर्दामा जनताका लागि खलपात्रसँग लड्ने सौगात अहिले गायब छन् । सौगात मल्ललाई कुनै पनि राहत वितरण, फिल्मीकर्मीको टोलीमा देखिएको छैन ।लुटका हाकु काले आखिर कहिले दर्शकसँग खुलेर बाहिर आउलान् । अरु समयमा त ठिकै हो, तर विपत्तको घडीमा पनि आफ्नो कम बोल्ने र हराउने बानी कायम राख्नु, जायज होला ?