बलिउड अभिनेता रणवीर सिंह र अभिनेत्री दीपिका पादुकोणको प्रेम जोडी भएको त सबलाई थाहा छ । दुवैले यो कुरा आफ्नै मुखले भने सकारेका छैनन् । बिदा मनाउँदादेखि हरेक स्थानमा एकसाथ देखिएपनि यो जोडी आफूलाई साथी मात्र भन्दै आएको छ । तर, एकसाथ हिड्दा रनवीर र दीपिकाले फ्यानसँग पोज दिन छाडेका छैनन् ।
तर दुनियाँका अगाडि साथी मात्र भएको नाटक गरिरहेपनि दुवैले सम्बन्धलाई अर्को तहमा लैजान लागेको भने रनवीरको एक कदमले पुष्टि गरेको छ । रनवीरले दीपिकाका पिता प्रकाश पादुकोण र दिदी अनिशासँग भेट गरेको खबरले उनीहरुले सम्बन्धलाई अर्को तहमा लैजान लागेको छनक दिएको हो । रनवीरले दुवैलाई मुम्बइको सिटी होटलमा भेटेका हुन् ।
सो भेटमा रनवीर र दीपिकाको बुबाका बीचमा गम्भिर कुराकानी भएको भारतीय अखबारले जनाएका छन् ।रनवीरको यो खबरसँगै लाग्दैछ बलिउडमा डिजाइरेबल ब्याचलरहरु सबै सकिँदैछन् । किनकी केही दिन अघि रणवीर कपुरले पनि कट्रिनासँग अर्को वर्षको अन्त्य सम्ममा विवाह गर्ने बताईसकेका छन् ।
