महाभूकम्पका कारण जेठ १ गतेको मितिमा रिलिज हुन नपाएको फिल्म चंखे शंखे पंखेको नयाँ रिलिज मिति घोषणा गरिएको छ । निर्देशक सुर्दशन थापाले दिएको आधिकारिक जानकारी अनुसार आउँदो कार्तिक ३ गते पर्न जाने फुलपातीका दिन देखि मोफसल र कार्तिक ६ गते देखि काठमाण्डू उपत्यकामा चंखे रिलिज हुने छ ।
कमेडी श्रेणीमा रहेर राष्ट्रियताको कथा उठान गरेको चंखेका यो नयाँ रिलिज मितिमा रेखा थापाको रामप्यारी प्रर्दशन हुने बताईदै आईएको छ तर भूकम्पका कारण उक्त फिल्मको सुटिङ कहिले देखि सुरु गर्ने र कहिले रिलिज गर्ने अन्योल तिब्र छ।
यस्तै फुलपातीमा भुवन केसी निर्देशित ड्रिम्स पनि प्रर्दशन हुने बजार हल्ला छ तर १५ प्रतिशत मात्रै सुटिङ सकिएको उक्त उक्त फिल्मको सुटिङलाई पनि भूकम्पले असर पार्दा यसको पनि फुलपाती रिलिज भ्याउने नभ्याउने निश्चित बनिसकेको छैन् । यस्तै सो मितिमा गोर्खा पल्टन निर्देशक नारायण रायमाझी निर्देशित परदेशी र गोपीकृष्ण मुभिजको ठमेल डटकम पनि प्रर्दशन हुने खबर छ ।
