नेपाल चलचित्र संघले प्रधानमन्त्री दैवी उद्धार कोषमा दुई लाख एघार हजार सहयोग गर्ने भएको छ । संघको बुधबार बसेको बैठकले भुकम्प प्रभावितहरुका लागि खर्च हुने गरी प्रधानमन्त्री दैवी उद्धार कोषमा रक प्रदान गर्ने निर्णय गरेको हो । संघले बिज्ञप्ती जारी गर्दै यस सम्बन्धमा जानकारी गराएको हो ।
त्यसैगरी संघले भुकम्पले पुर्याएको क्षतिका बारेमा अध्यन गर्न तीन सदस्य समिति बनाएको जनाएको छ । समितिमा अध्यक्ष, महासचिव र कोषाध्यक्ष सदस्य रहेका छन् । समितिले इन्जिनियरसँग मिलेर सिनेमाघरमा भएका क्षतिको विवरण निकाल्ने बिज्ञप्तीमा उल्लेख छ ।भौतिक क्षतिको विवरण निकालेसँगै सम्बन्धित निकायमा क्षतिपूर्तिका लागि पहल गर्ने पनि संघले जारी गरेको ५ बुँदे निर्णय उल्लेख गरिएको छ ।
