सन् २००२ देखि चलिरहेको बलिउड अभिनेता सलमान खानको हिट एन्ड रन केसको मुद्दाको फैसला वुधबार हुँदैछ । बुधबार आउने फैसलाले सलमानलाई १० बर्षसम्म जेल पनि पठाउन सक्छ ।
सलमान खान जेल गएको खण्डमा बलिउडका केही फिल्म र बक्स अफिसमा ठूलै प्रभाव पर्ने अड्कल सुरु भएको छ । तर, सलमान खान जेल जान्छन् या जादैनन् भनेर भारतमा ठूलै जुवा पनि खेलिएको छ ।
सलमानको यो मुद्दालाई लिएर २ हजार करोडको जुवाको खेल भैरहेको केही भारतीय मिडियाले जनाएका छन् । क्रिकेट र राजनीतिमा यस्ता खालका बाजी लगाउने गरिन्छ । बलिउड अभिनेताको अदालती प्रकरणमा पहिलो पटक यती धेरै रकमको बाजी लगाइएको छ ।
