अघिल्लो सालको असोजमा प्रदर्शन मिति तोकेर पनि रिलिज हुन नसकेको फिल्म ‘वन साइड लभ’ अब जेठ ८ मा रिलिज हुने भएको छ ।
निर्माता कपिल खत्रीले रिलिजको नयाँ मिति सार्वजनिक गर्दै जेठ ८ को मितिमा फिल्म रिलिज गर्न वितरक र आफू बीच सहमति भएको जनाएका छन् । फिल्म ‘वन साइड लभ’ अब ‘अधकट्टी’सँगै रिलिज हुने भएको छ ।
देवेन्द्र राज पाण्डेको निर्देशनमा बनेको फिल्ममा अधिकांश नयाँ कलाकारको अभिनय रहेको छ । फिल्ममा कपिल खत्री, राज सुनाम, सबिना कार्की, सुशील पोखरेल, काजिश श्रेष्ठ आदिको अभिनय रहेको छ ।
