अभिनेता निखिल उप्रेती निर्देशक बनेको फिल्म 'भैरव'को फास्टलुक पोस्टर रिलिज गरिएको छ । वितरक गोपाल कायस्थले आफ्नो फेसबुक पेजबाट पोस्टर सार्वजनिक गरेका हुन् ।
कुनै बेला एक्सन फिल्ममा जमेका निखिलले 'भैरव'लाई पनि एक्सन फिल्मकै श्रेणीमा राखेका छन् । निखिलको यो फिल्मले नेपाल र भारतको सिमाना बिच हुने तस्करी र अन्य गैर कानुनी गतिविधिमा नेपाल प्रहरीको भूमिकाको कथालाई देखाउने छ ।
आउँदो जेठ २२ देखि प्रदर्शनमा आउने यो फिल्मका निर्माता निखिल स्वयं नै हुन् । फिल्ममा निखिलसहित अनु शाह, मुरलीधर, नागेन्द्र रिजाल, रविन होडा, केशव राई लगायतले अभिनय गरेका छन् ।