बलिउड अभिनेत्री आलिया भट्ट फिल्ममा दिने चुम्बनका दृश्यका कारण पनि चर्चामा छिन् । उनले फिल्म 'टु स्टेट'मा त चुम्बनको बर्षा नै गरिन् । तर, उनै आलियासँग एक खान अभिनेताले भने चुम्बनको दृश्य दिन मानेनन् ।
'कपुर एन्ड सन्स' नामक फिल्ममा आलिया सिद्धार्थ मल्होत्रा र फवाद खानसँग काम गर्दैछिन् । यो लभ स्टोरी फिल्ममा आलियाको २ अभिनेतासँग अन्तरंग दृश्य राखिएको थियो । तर, अभिनेता फवाद खानले भने उनीसँगको अन्तरंग दृश्यलाई हटाउन भनेका छन् ।
फवाद पाकिस्तानबाट बलिउडमा आएका हुन् । उनले पर्दामा चुम्बनको दृश्य दिंदा दर्शक भड्किने भनाई उनको छ । साथमा उनी विवाहित भएकाले पनि आलियासँग चुम्बन गर्न नसक्ने बताउँछन् । फवादको यो आग्रहपछि फिल्म भित्रबाट केही त्यस्ता अन्तरंग दृश्य फालिएको छ ।
