अभिनेत्री शिल्पा पोख्रेलले हालै मात्र अर्की सफल अभिनेत्री करिश्मा मानन्धरको निर्माणमा बनेको फिल्म 'फागु'को छायांकन सकाएकी छिन् । फिल्मको छायांकन सकेर काठमाण्डौ फर्के लगतै शिल्पा फिल्म 'हवल्दार सुन्तली'को प्रमोशनमा व्यस्त देखिएकी छिन् ।
शिल्पाले अभिनेत्री करिश्मा मानन्धरको फिल्ममा काम गर्न पाउँदा आफूलाई भाग्यमानी बताएकी छिन् । एक सफल अभिनेत्रीले निर्माण गरेको फिल्ममा मुख्य भूमिका गर्नका लागि भाग्यमा नै लेखेर आउनुपर्छ भन्ने सोच शिल्पाको छ । उनले करिश्मासँग काम गर्दा धेरै कुरा सिकेको र रमाइलो अनुभुती भएको बताएकी हुन् ।
शिल्पा पोख्रेल मुख्य भूमिका रहेको फिल्मलाई करिश्माले करिब १२ बर्षपछि निर्माणमा फर्किएर बनाएकी हुन् । फिल्ममा सुवास पराजुली शिल्पाको जोडी बनेर अभिनय गरेका छन् ।