सूरज बडजात्याको निर्देशनमा सलमान खानले अभिनय गरेको फिल्म ‘प्रेम रतन धन पायो’मा बलिउडको हालसम्मकै लामो गीत हुने भएको छ । कुल ९ गीत रहेको फिल्ममा एउटा गीत १३ मिनेटको हुने निर्माण युनिटले जानकारी दियो ।
फिल्मका करियोग्राफर अहमद खानले यसको पुष्टि गरेका छन् । उनले आफूले करियोग्राफी गर्ने गीत १३ मिनेट लामो रहेको बताए । हिमेश रेशमियाको संगीत रहेको उक्त गीत फिल्मको एक विशेष दृश्यमा आउने र कथालाई अगाडि बढाउने उनको भनाइ छ ।
पारिवारिक फिल्म ‘प्रेम रतन धन पायो’मा सलमान खान, सोनम कपुर, निल नितिन मुकेश तथा स्वारा भाष्करको मुख्य भुमिका रहेको छ ।
