गत बैशाख २६ गते विवाह बन्धनमा बाधिएका चर्चित छायाँकार पुरुषोत्तम प्रधानलाई श्रीमती शोक परेको छ । उनको श्रीमतीको गएराती १२ बजेतिर निधन भएको हो ।
दुई तीन दिनदेखि बिरामी देखिएकी अनुले अकस्मात संसार छाड्दा पुरुषोत्तम र उनको परिवारमा ठुलो बज्रपात परेको छ । उनको श्रीमती २४ दिनको सुत्केरी थिईन् । गत फाल्गुन १२ गते श्रीमती अनुले छोरीलाई जन्म दिएकी थिइन् । त्यो क्षण पुरूका लागि सबैभन्दा खुसीको क्षण थियो । आज तिनै पुरूलाई सबैभन्दा ठुलो चोट परेको छ ।
पुरूले अनुसँग लामोसमयपछिको प्रेमलाई विवाहमा परिणत गरेका थिए । फिल्म क्षेत्रमा कुशल छायाँकारको रूपमा चिनिएका पुरूलाई परेको यो शोकको घडीमा भगवानले धैर्यधारण गर्ने शक्ति दिउन् । अनुको आत्माको चिर शान्तिको कामना गर्दै शोक सन्तप्त परिवारजनमा हार्दिक समवेदना ब्यक्त गर्दछौं ।
