‘बीग बोस ८’का विजेता गौतम गुलाठी अब ठूलो पर्दामा पनि देखिने भएका छन् । उनका लागि यो चर्चित रियालिटी शो करिअर बदल्ने अचुक औषधी नै बनेको छ ।
गौतम एकसाथ ३ वटा फिल्ममा काम गर्ने तयारीमा लागेका छन् । यसको जानकारी उनले आफ्नो ट्विटर मार्फत दिएका हुन् । तर, रोचक कुरा के छ भने गौतमको साथमा एक फिल्ममा अभिनेत्री आलिया भट्ट पनि देखिदैछिन् । आलिया गौतमकी रुचाइएकी अभिनेत्री हुन् ।
तीन फिल्ममध्ये २ मा गौतम मुख्य अभिनेताको रुपमा देखिदैछन् । एउटा फिल्ममा भने गौतम विशेष भूमिकामा देखिनेछन् । उनले अभिनय गर्ने २ फिल्म कमेडी जनराका छन् । जसमा एउटामा उनी हेराफेरी गर्ने मानिस बनेका छन् भने अर्कोमा फिल्म निर्देशकको रुपमा देखिदैछन् ।
आलियासँग काम गर्न पाउँदा गौतम पनि खुशी देखिएका छन् । गौतमले ४० मिनेट लामो विशेष भूमिका भएको एक फिल्ममा आलियाको लागि साइन गरेका हुन् । आफूलाई मनपर्ने नायिका भएकाले पनि गौतम ४० मिनेट मात्र फिल्ममा देखिन तयार भएको भारतीय केही मिडियाले जनाएका छन् ।
a
