अभिनेता जीवन लुईटेल र अभिनेत्री नीता ढुंगानाको मुख्य भूमिका रहेको फिल्म 'भूलभुलैया'लाई अमेरिकामा रूचाईएको छ । आईतवार अमेरिकाको टेक्ससस्थित अस्टिन शहरमा फिल्म हेरेपश्चात दर्शकले राम्रो प्रतिकृया दिएको प्रिमियरमा उपस्थित अभिनेता लुईटेलले जानकारी दिए ।
.jpg)
'दर्शकको उपस्थिती राम्रो रह्यो', जीवनले भने, 'सबै दर्शकबाट राम्रो प्रतिकृया पाएँ ।' सिङ्गल स्क्रिन लक्षित यो फिल्म हेर्न अमेरिकाको टेक्सासका नेपालीहरूको बाक्लो उपस्थिती थियो । दर्शकले फिल्मको संगीत पक्षलाई राम्रो भने ।
आगामी चैत्र १३ गतेबाट नेपालमा रिलिज हुने यो फिल्मलाई योगेश घिमिरेले निर्देशन गरेका हुन् । जीवन र नीतासँगै सोहित मानन्धरको समेत अभिनय रहेको यो फिल्मलाई दिनेश कुमार पोखरेलको प्रस्तुतीमा शुशिल कार्की, सुरेश गौतम र मनिराज कार्कीले निर्माण गरेका हुन् ।
