शुक्रबारबाट हलमा लागेको फिल्म `पूनर्जन्म`को काठमाण्डौको बीग सिनेमामा प्रेस शो गरिएको छ । फिल्मकर्मी र सञ्चारकर्मी उक्त प्रेस शोमा उपस्थित थिए ।
निर्देशक सजन श्रेष्ठ र अभिनेता गजित बिष्ट
प्रेस शोमा पुगेका रंग पत्रकारहरुले फिल्मको पहिलो भागलाई उत्कृष्ट भनेका छन् । दोश्रो भागमा देखाइएको नेपाली रितिरिवाजले अहिलेको पुस्तालाई नयाँ जानकारी दिएपनि केही लामो भएको प्रतिक्रिया उनीहरुको थियो ।
फिल्मका मुख्य कलाकार मध्येका एक गजित बिष्टको कामको तारिफ सर्वाधिक भएको छ । गजितले यो फिल्मबाट आफूलाई अब्बल कलाकारको रुपमा प्रस्तुत गरेका छन् । अर्का चल्तीका कलाकार आर्यन सिग्देलले गजितलाई छायाँमा पार्ने टिप्पणी पनि भयो ।
मोहनकृष्ण श्रेष्ठको निर्माणमा बनेको यो फिल्ममा केकी अधिकारी र सुस्मिता शाहीको पनि मुख्य भूमिका छ । सजन श्रेष्ठले निर्देशन गरेको यो फिल्मले अहिले व्यापार पनि सुखद गरिरहेको छ ।
नेपाली सेना र उनीहरुको कथालाई प्रस्तुत गरेको फिल्ममा नेपालको कमै मात्र नेपालीलाई थाहा भएको संकार पनि देखाइएको छ ।
