अभिनेता भुवन केसीले निर्माण तथा निर्देशन गर्न लागेको फिल्म 'ड्रीम'मा उनकै छोरा अनमोलले मुख्य भूमिका निर्वाह गर्दैछन् । 'होस्टल' र 'जेरी'बाट स्टार बनेका अनमोलले बुवाको निर्देशनमा अभिनय गर्ने छन् ।
भुवनले छोराको अनस्क्रिन जोडी पनि खोजिसकेका छन् । फिल्मीखबरलाई प्राप्त विश्वासनिय खबर अनुसार भुवनको 'ड्रीम'मा अनमोलले मोडल साम्राज्ञी राज्यलक्ष्मी शाहसँग जोडी बाँध्नेछन् । भुवनले भने यो खबरलाई बाहिर ल्याएका छैनन् ।
यस्तै यो फिल्ममा इमेज च्यानलकी भिजे सन्ध्या केसीले पनि अभिनय गर्ने खबर छ । सन्ध्या पनि यो फिल्मको मुख्य कलाकार हुन् । अनमोलको जोडी भने साम्राज्ञीसँग जम्ने बुझिएको छ ।
सामिप्यराज तिमल्सिनाले लेखेको फिल्म 'ड्रीम'ले प्रेमकथालाई प्रस्तुत गर्ने बताईएको छ । यो फिल्मको सुटिङ चैत्र पहिलो साताबाट शुरू हुने खबर छ ।
