फिल्म 'प्रेम रतन धन पायो'को छायांकनका क्रममा एक्कासी बिरामी भएपछि अस्पतालमा भर्ना भएकी बलिउड अभिनेत्री सोनम कपुरमा स्वाइन फ्लु देखिएको छ । उनलाई स्वाइन फ्लु भएको पुष्टी भएपछि विशेष कक्षमा राखिएर उपचार गरिएको छ ।
सोनमलाई स्वाइन फ्लु उनका प्रशिक्षकबाट सरेको भारतीय संचारमाध्यले दाबी गरेका छन् । स्वाइन फ्लु भएपछि सोनम केही आत्तिएकी छिन् ।
सोनमसँगै काम गरिरहेका अभिनेता सलमान खानमा पनि स्वाइन फ्लुको आशंका भएपछि परिक्षण गरिएको छ । तर, सलमानमा स्वाइन फ्लु भेटिएको छैन ।
सोनम २ साता अस्पतालमा बसेर छायांकनमा पुगेकी थिइन् । सोनम र सलमान बसेको होटलमा स्वास्थ्य टोलीले चेक गरेको छ ।
