चैत्र २७ देखि प्रदर्शन हुने फिल्म 'नाईँ नभन्नु ल ३'को नयाँ गीत रिलिज गरिएको छ । अभिनेत्री प्रियंका कार्कीले गुन्यूचोलीमा आफ्नो आकर्षक नृत्य प्रस्तुत गरेकी छिन् । उनलाई अभिनेता आर्यन सिग्देलले साथ दिएका छन् ।
.jpg)
कविराज गहतराजले करियोग्राफी गरेको लोक शैलीको गीत प्रस्तुत गीतका संगीतकार बसन्त सापकोटा हुन् भने एकनारायण भण्डारीले शब्द कोरेका हुन् । 'कम्मर माथी पटुकी' बोलको गीतमा प्रल्हाद तिमल्सिना र नव गायिका मेलिना राईको स्वर रहेको छ ।
विकास आचार्यको निर्माणमा मुस्कान ढकालले निर्देशन गरेको यो फिल्ममा प्रियंका र आर्यनसँगै अनुभव रेग्मी, सफला भट्टराई, सञ्चिता लुईटेल, सुरज सिंह ठकुरी, संयम पुरी, आश्मा डिसीलगायतको अभिनय छ ।
