बलिउडमा शाहरूख खानले फिल्म खेल्ने भन्ने वित्तिकै त्यसको चर्चा निकै नै हुने गर्दछ । उनको फिल्ममा हुने कलाकारको बारेमा पनि संचारमाध्यमले खुबै हल्ला गर्छन् ।
शाहरूख निर्देशक रोहित सेट्टीसँग मिलेर नयाँ फिल्म खेल्दैछन् । यो फिल्मका लागि शाहरूख र रोहित तयार छन् । यो फिल्ममा शाहरूखका साथमा बरुण धवन र श्रुती मेनन पक्का भैसकेका छन् ।
शाहरूखको अपोजिटमा काजोल र कट्रिना कैफको नाम चलेको लामो समय भैसकेको छ । शाहरूखले आफ्नो अपोजिट लेडीको बारेमा पक्का गरिदिएका छन् । रोहित सेट्टीको नाम नखुलाइएको फिल्ममा शाहरूखसँग काजोलले अभिनय गर्ने भएकी छिन् । यो कुरा स्वयंम शाहरूखले नै पुष्टी गरिदिएका हुन् ।
यस्तै शाहरूखले आफ्नो फिल्ममा १७ जना स्टारहरुले काम गर्न लागेको खुलाइदिएका छन् । उनले अन्य कलाकार को हुन् भन्ने बारेमा बोलेका छैनन् । शाहरूखले निर्माण तथा अभिनय गरेको फिल्म 'ह्याप्पी न्यू इयर'मा पनि मल्टिस्टार कलाकारले अभिनय गरेका थिए । फिल्मको छायांकन मार्चको दोश्रो हप्ताबाट सुरु गर्ने तयारी गरिएको छ ।
