शाहरूख खान बलिउडका वादशाह हुन् । तर, उनलाई आफ्नो एक बानीले हैरान भने बनाएको छ । शाहरूख लामो समयदेखि धुम्रपानको शिकार नै बनेका छन् । उनले दिनमा सय वटासम्म चुरोट तान्ने गरेको बताएका छन् । शाहरूखको यो बानीले उनका साथीभाई, परिवारदेखि स्वयंम उनलाई नै हैरान बनाएको छ ।
५० बर्षको उमेरमा लाग्दै गर्दा शाहरूखलाई आफ्नो यो नराम्रो बानीले ब्यूँझाएको छ । अब उनी चुरोट छाड्ने अभियानमा लागेका छन् । शाहरूखकी छोरी सुहानाले पनि लामो समयदेखि आफ्नो पिताको यो बानीलाई छुटाउने प्रयास गरिरहेकी थिइन् ।
शाहरूखले ट्विटरमा एक तस्बिर पोष्ट गर्दै आफू चुरोट पिउनेसँग कुरा नगर्ने बताएका छन् । साथै उनले चुरोट छाड्नका लागि बिहान करिब १ सय मिटर पनि दौडन थालेको लेखेका छन् ।
शाहरूख बिहान दौडनुको कारण चुरोट छाड्ने अभियानमा लागेको बताइन्छ । उनको यो गलत बानीले चाडै नै छुटकारा पाउने अपेक्षा गरिएको छ ।
