चैत्र २७ गतेबाट प्रदर्शन हुन लागेको फिल्म 'हवल्दार सुन्तली'को 'घन्टी बज्यो...' बोलको गीत सार्वजनिक भएको छ । सार्वजनिक गीतमा फिल्मका मुख्य कलाकार सविन श्रेष्ठ र शिल्पा पोख्रेललाई देखाइएको छ ।
छविराज प्रोडक्शनको ब्यानरमा छविराज ओझाले निर्माण गरेको यो फिल्मलाई ऋषि लामिछानेले निर्देशन गरेका हुन् । फिल्ममा किशोर खतिवडा पनि मुख्य भूमिकामा छन् ।
'घन्टी बज्यो...' बोलको गीतमा टंक बुढाथोकी र मिलन अमात्यको स्वर छ । यो गीतमा टंककै संगीत, दिनेश सुवेदीको शब्द छ ।
मदन काश्यप घिमिरेको छायांकन, कविराज गहतराजको नृत्य, अनन्त थपलियाको सम्पादन रहेको फिल्मले बलात्कारको शिकार भएकी सुन्तली धामीको कथालाई उठाएको छ ।
