अभिनेत्री केकी अधिकारीले जनताले भोट दिएर पठाएका नेता पनि बफदार बन्नुपर्ने बताएकी छिन् । चिया गफ टोलीले मण्डला थिएटरमा आयोजना गरेको कार्यक्रममा बोल्दै अभिनेत्री अधिकारीले प्रजातन्त्रपछि लोकतन्त्र आएपनि जनतामा आशावादी हुने वातावरण पटक्कै नबनेको बताइन् ।
केकीले फिल्मका माध्यमबाट जनतामा प्रजातन्त्र र स्वतन्त्रताको बारेमा जागरुक बनाइरहेको बताउन भने पछि परिनन् । केकीले राजनीतिक वातावरण नबन्दा आफूजस्तै यूवाहरुमा निराशाको बादल मडारिएको गुनासो गरिन् । उनले सरकारलाई गाली गरेर मात्र समस्याको समाधान नहुने भन्दै नेता नै जनताप्रति वफदार नबनेको बताइन् ।
देशमा लोकतन्त्र र गणतन्त्र आएपछि आफूहरु आशावादी हुने ठाउँ नभएको भनाई केकीको थियो ।
