सडक बालबालिकाको कथालाई मेरूदण्ड बनाएर निर्माण गरिएको फिल्म 'चकलेट'को रोमान्टिक गीत रिलिज गरिएको छ । गीतमा अभिनेत्री पूजना स्त्री र नव अभिनेता आयुष्मान घिमिरेले एकअर्कालाई हदभन्दा बढि माया गर्ने भाव व्यक्त गरेका छन् ।
निर्मल शर्माले निर्देशन गरेको 'चकलेट'मा पूजना र आयुष्मानको साथमा अनुज शाक्य, नम्रता झा, केशब भट्टराई, सुमन गैरेलगायतको अभिनय छ । सात जना बालबालिकाले फिल्मको कथालाई डोर्याएका छन् ।
पूजनासहित खुसी गुरूङ, प्रीतीमाया गुरूङ र केशव तमाङको लगानी रहेको फिल्मको प्रस्तुत गीतमा शिखर सन्तोषको संगीत तथा आनन्द अधिकारीको शब्द रहेको छ भने विश्व नेपाली र मिलन अमात्यको स्वर रहेको छ ।
