फागुन १५ गतेबाट चल्ने द्धन्द्धात्मक फिल्म 'मिसन पैसा रिलोडेड'मा समावेश 'तिम्रो घर चाँचरी'को भिडियो सार्वजनिक गरिएको छ । गीतमा अभिनेत्री प्रियंका कार्कीको नृत्य तथा कोरियोग्राफी छ ।
स्वर्गिय पाण्डव सुनुवारको स्वर तथा संगीतमा तयार भएको यो चर्चित गीतको रिमिक्स किरण तुलाधरले गरेका हुन् । यही गीतको रिमिक्स भर्सनलाई फिल्ममा समावेश गरिएको हो ।
सिमोस सुनवारले निर्देशन गरेको यो फिल्ममा रेश महरठ्ठा, हर्षिका श्रेष्ठ, आमिर गौतम, निशा अधिकारी मुख्य भूमिकामा छन् । माधव वाग्ले र नरेन्द्र महर्जन फिल्मका निर्माता हुन् ।
