अभिनेता आर्यन सिग्देल र जीवन लुईटेल फिल्मी करिअरमा एकसाथ फिल्मको पर्दामा देखिएका छैनन् । जीवन र आर्यन अहिलेका चल्तीका अभिनेता हुन् । दुबै जना एकपछि अर्को फिल्ममा व्यस्त भएपनि फिल्म भने एकसाथ खेलेका थिएनन् ।
दुबै अभिनेता अनिल संग्रौलाको नयाँ फिल्ममा काम गर्न राजी भएका छन् । काम गर्नका लागि दुबै अभिनेताहरुले सम्झौता पनि गरिसकेको जानकारी दिएका छन् ।
भानु महर्जनको प्रस्तुतीमा तयार हुन लागेको फिल्मको छायांकन नेपाल र नेपाल बाहिर हुने पक्का भएको छ । अभिनेता सिग्देल सम्झौता गरेको केहि महिना भैसकेपनि छायांकन हुन नसकेको बताए । अभिनेता लुईटेलले आर्यन र आफ्नो भूमिका समान भएको भन्दै कथावस्तु राम्रो रहेको खुलाए ।
फिल्मको नाम 'कर्मा' राखिएको छ । फिल्मको छायांकन वैशाखबाट सुरु हुने जीवनको भनाई छ । फिल्मका अन्य कलाकार पक्का भैसकेका छैनन् । अभिनेता आर्यन र जीवन एकसाथ देखिदा निर्मातालाई फाइदा पुग्ने विश्वास गरिएको छ ।
