एक्सन–थ्रिलर फिल्म 'मिसन पैसा रिलोडेड'लाई चलचित्र जाँच समिती (सेन्सर बोर्ड)ले `पिजी` सर्टिफिकेट दिएको छ । अब यो फिल्म १६ बर्ष मुनिका बालबालिकाले अभिभावकको उपस्थितीमा मात्र हेर्न पाउने छन् ।
.jpg)
फिल्मका केही संवाद र दृश्यमा कैची चलाएको निर्माता माधव वाग्लेले बताए । फिल्म नबुझ्ने सेन्सर बोर्डमा भएकाले अनावश्यक कुरामा कैंची चलाएको बताए । फागुन १५ गते रिलिज हुन लागेको 'मिसन पैसा रिलोडेड'लाई नरेन्द्र महर्जन र माधव वाग्लेको निर्माणमा सिमोस सुनुवारले निर्देशन गरेका हुन् ।
प्रचन्डमान श्रेष्ठको लेखन रहेको यो एक्सन कमेडी फिल्ममा रेश मरहठ्ठा, निशा अधिकारी, आमिर गौतम, हर्षिका श्रेष्ठको मुख्य भूमिका छ । अभिनेत्री प्रियंका कार्कीलाई एउटा आईटम गीतमा देख्न सकिनेछ ।
फिल्ममा हरी हुमागाँइको छायांकन, राजकुमार उप्रेतीको द्वन्द्व, दिर्घ खड्काको सम्पादन, स्वर्गिय पाण्डव सुनुवारको संगीत रहेको छ । यो फिल्म 'मिसन पैसा'को सिक्वेल हो ।
