किसान नेता भिमदत्त पन्तको राजनीतिक जिवनी माथि निर्माण भएको फिल्म ‘भिमदत्त’को गीत रिलिज भएको छ । ‘वारी डाँडा’ बोलको गीतमा नवल खड्का र सुमिना घिमिरेको प्रेम देख्न सकिन्छ ।
राजेश पायल राई र सत्यकला राईको स्वर रहेको ‘भिमदत्त’को प्रस्तुत गीतमा शब्द तथा संगीत फिल्मका लेखक मणि थापाको रहेको छ । फिल्मका निर्देशक हिमग्याप लामा ‘टासी’ले सुदूर पश्चिमको भाका रहेको प्रस्तुत गीतको करियोग्राफी गरेका हुन् ।
विष्णु कल्पितको छायाँकन रहेको यो फिल्म फागुन २२ गते प्रदर्शन हुनेछ । फिल्ममा नवल र सुमिनासँगै निशा अधिकारी, रमेश बुढाथोकी, देशभक्त खनाल, रवि गिरी, श्रीराम पुँडासैनी, कविता शर्मा लगायतका कलाकारहरु अभिनय रहेको छ ।
